"सत्य मरेको छैन, कलम हारेको छैन" : किशोर श्रेष्ठ

काठमाडौं - सर्वोच्च अदालतको परमादेशपछि हिरासतमुक्त भएका जनआस्थाका सम्पादक किशोर श्रेष्ठले सत्य नमरेको र कलम नहारेको बताएका छन‍् ।

सोमबार राति हिरासतबाट रिहा भएका श्रेष्ठले मंगलबार सामाजिक सञ्जालमार्फत यस्तो बताएका हुन्। उनले ढिलो भए पनि भ्रमको पर्दा च्यातिने बताए । उनले पन्छीको ठाउँ पिँजडा नभइ खुल्ला आकाश नै प्रिय लाग्ने बताए ।

'पन्छीको ठाउँ पिँजडा हैन,खुल्ला आकाश नै प्रिय लाग्छ उसलाई। ढिलो होला तर भ्रमको पर्दा च्यातिन्छ च्यातिन्छ,' उनले लेखेका छन्, 'सत्य मरेको छैन, कलम हारेको छैन, सबैलाई बधाई, सबैलाई शुभकामना !'